Confeso que son débil
e que vivo ofuscada polo vicio
da razón
que me fai ensoñar un mundo
poderoso de xustiza
empezando pola miña propia rúa (…) Poema Debilidade
O proxecto “Ofuscadas Polo Vicio da Razón” ten como obxectivo crear un espazo seguro de encontro e expresión artística para mulleres migrantes e refuxiadas na Coruña, inspirándose na obra de Luisa Villalta.
O proxecto busca fomentar o empoderamento das mulleres migrantes e a valorización das súas voces a través de actividades literarias, artísticas e educativas.
O enfoque na obra de Luisa Villalta, coñecida polo seu compromiso coa xustiza social e a igualdade de xénero, proporciona un marco inspirador e enriquecedor. Villalta defendeu a voz das mulleres e as minorías, e o seu legado resoa profundamente coas experiencias das mulleres migrantes e refuxiadas. A través de talleres de escritura creativa, círculos de lectura intercultural, exposicións artísticas e charlas literarias,… as participantes terán a oportunidade de compartir as súas historias, fortalecer as súas habilidades, explorar e expresar as súas identidades, e atopar un sentido de pertenza no seu novo fogar.
Esta proposta non só honra a memoria de Luisa Villalta, senón que tamén crea un ESPAZO SEGURO DE APOIO E SOLIDARIDADE ENTRE MULLERES, aliñándose cos valores de igualdade e xustiza social que promoveu Villalta na súa obra e vida.
